زانکۆیا زاخۆ ئاگەهداریا دەرچوویێن خۆ ئەوێن دو سال خزمەت ل كەرتێ حكومی یان تایبەت هەبیتن، ل ڕۆژا چارشەمبی ڕێــککەفتی (٢٠٢٥/٢/٢٦) ڕێکخراوا (ئەمیدیست) یا سەر ب کۆنسۆلخانەیا ئەمریکی ل هەرێما کوردستانێ دێ سەرەدانا زانکۆیا زاخۆ کەن ب مەرەما پێشکێشکرنا سمینارەکێ ل سەر چاوانیا پیشکێشکرنا خواندنا ماستەرێ بڕێکا (Fulbright Foreign Student Program in the MENA Region) ل وەلاتێ ئەمریکا.
هەژیە بێژین؛ پڕۆگرامێ فولبرایت دەلیڤەیەكە ژلایێ حكومەتا ئەمریكا ڤە، بۆ هەڤوەلاتیێن ڕۆژهەلاتا ناڤین و باكوورێ ئەفریقا بۆ بەردەوامی دان ب خواندنا بلند (ماستەرێ) ل وەلاتێ ئەمریكا كۆ تێچویێن كریا خواندنێ و مووچەیێ هەیڤانە بخوڤە دگریت. بو پتر پێزانینان هین دشێن سەرەدانا رێڤەربەریا پەیوەندیێن نیڤدەولەتی یێن زانكۆیا زاخۆ بكەن.
بۆ زانین: سمینار ل ڕۆژا چارشەمبی ڕێـککەفتی (٢٠٢٥/٢/٢٦) دێ ل کۆلیژا زانستێن مرۆڤایەتی - هۆلا خەلیل خەیالی هێتە پێشکێشکرن.